كلمات خالدة للشيخ عبد الحميد كشك.. عن ذكر مساوئ الظالم.

ويجي واحد متفلسف يقول لك أيه اذكروا محاسن موتاكم. موتانا! محاسن موتانا.. الناس اللي مستورين الحال، إنما اللي يجاهر بالظلم، النبي قال فيه أيه: (اذكروا الفاجر بما فيه كي يحذره الناس)، دا أنت ذكرك لمساوءه عبادة عند الله، لأن ربنا قال عن فرعون كتير، وعن أبو لهب كتير وعن هامان كتير، اشمعنى دا اللي أنت بتحافظ عليه، ولما اترمينا في السجن ما كانش واحد بيقول كلمة طيبة ليه، يعني تقولون للمضروب لا تبكي، ولا تقولون للضارب لا تضرب، بقى تيجي على اللي بينضرب وتقول له: معلش يا بابا متعيطش، والتاني نازل عليه بالكرباج، ما هو لابد يعيط يا أخي، ما تقول للضارب: متضربش، ولذلك؛ شوف النبي بيقول إيه: (إن الناس إذا رأوا الظالم فلم يأخذوا على يديه، يوشك أن يأخذهم الله بعذابٍ من عنده)، والعذاب أنا مش بقول عذاب هينزل علينا نار، ما هو العذاب أنواع، ما هو غلاء المعيشة عذاب، وأزمة الإسكان عذاب، والمواصلات اللي ما تعرف تحط رجلك فيها عذاب.